İKT

Tarix:06/08/12

Bu il Rusiyada mobil reklam bazarının həcmi 85 faiz artacaq

"EMarketer" tədqiqat şirkətinin yeni proqnozuna əsasən, 2012-ci ildə Rusiyada mobil reklam bazarının həcmi 85 faiz artaraq 37 milyon dollar təşkil edəcək və 2015-ci ilədək onun həcmi artıq 111,2 milyon dollar təşkil etməlidir.

"ICTnews.az" elektron xəbər xidməti "cnews.ru" saytına istinadən bildirir ki, ABŞ-da 2012-ci ildə mobil internetdə reklama çəkilmiş xərclərin həcmi ilk dəfə olaraq bu göstərici üzrə digər ölkələri ötəcək. "EMarketer" mütəxəssislərinin məlumatlarına əsasən, bütövlükdə 1 il ərzində internetdə mobil reklama çəkilmiş xərclərin həcmi 6,43 milyard dollar təşkil edəcək.

Rusiyada 2012-ci ildə mobil reklam bazarının həcmi 85 faiz artaraq 37 milyon dollar təşkil edəcək. 2010-cu il ərzində bu bazarda artım 100 faiz, 2011-ci ildə isə 66,7 faiz təşkil edib.
Yaponiya ötən illər ərzində mobil reklama çəkilmiş xərclərin həcmi üzrə ən böyük bazar olub; bu bazarın həcmi 2011-ci ildə 1,36 milyard dollar təşkil edib.

Asiya-Sakit okean regionu mobil reklam sahəsində əvvəlki kimi güclü bazar olaraq qalır və bu istiqamət üzrə Avropa ölkələrini əhəmiyyətli dərəcədə qabaqlayır. "EMarketer" sirkətinin proqnozuna əsasən, 2012-ci ildə Asiya-Sakit okean regionunda mobil reklama çəkilmiş xərclər 2,56 milyard dollara çatacaq, halbuki Qərbi və Şərqi Avropa ölkələrində xərclərin həcmi yalnız müvafiq olaraq 1,3 milyard və 121,1 milyon dollar təşkil edəcək.