İNTERNET

Tarix:06/08/12

Cərimə və maliyyə sanksiyaları onlayn rejimində ödəniləcək

Artıq Azərbaycanda cərimə və maliyyə sanksiyalarının onlayn rejimində elektron ödənilməsi üçün imkanlar yaradılıb. “ICTnews” elektron xəbər xidmətinə bu barədə İqtisadi İnkişaf Nazirliyinin (İİN) mətbuat xidmətindən məlumat verilib.

Nazirlikdən bildirilib ki, hazırda sahibkarlar İİN tərəfindən göstərilən elektron xidmətlərdən istifadə edərək, tələb olunan sənədləri elektron formada təqdim etməklə yanaşı, həmin xidmətlər üçün qanunvericiliklə müəyyən olunmuş bütün dövlət rüsumlarının və xidmət haqlarının ödənişini də onlayn rejimində həyata keçirə bilər və ya ödənişə dair təsdiqedici sənədləri elektron qaydada müvafiq sənədlərə əlavə edərək göndərə bilərlər: “Bundan başqa, nazirlik tərəfindən verilən lisenziyaları, mənşə və keyfiyyət sertifikatlarını elektron qaydada ala bilərlər. Nazirlikdə kommersiya hüquqi şəxslərə münasibətdə qrant müqavilələrinin elektron qeydiyyatı da həyata keçirilir”.

HƏQİQƏT

Baxış sayı: 1292