İKT

Tarix:08/08/12

Belarus ilə informasiya texnologiyaları üzrə müzakirələr aparılıb

Azərbaycanın Milli Elmlər Akademiyasının (AMEA) prezidenti Mahmud Kərimov bildirib ki, Azərbaycan Respublikası telekommunikasiya peykinin orbitə buraxılması imkanını nəzərdən keçirir. M. Kərimov, həmçinin Belarus alimlərinin işıq diodu texnologiyaları sahəsində əldə etdikləri uğurları yüksək qiymətləndirib.

"ICTnews.az" elektron xəbər xidməti "tech.onliner.by" saytına istinadən bildirir ki, Azərbaycan Belarus elminə böyük maraq göstərir. "Belarus elmi aparıcı mövqedə qərarlaşıb. Biz Belarusdan çox şey öyrənə bilərik" –M.Kərimov qeyd edib.

Azərbaycan - Belarus parlamentlərarası əlaqələr üzrə işçi qrupunun Belarus-Azərbaycan əməkdaşlığının inkişaf etdirilməsi məsələləri üzrə keçirilmiş iclasında parlamentlərarası işçi qrupunun rəhbəri Ziyad Səmədzadə bildirib ki, Belarus orbitə peyk buraxmaqla kosmik dövlətlər sırasına daxil olub, bu təcrübədən yararlanmaq olar.

EMİL

Baxış sayı: 1170