12px13px15px17px
Tarix:08/08/12

“Azərenerji” ASC-yə məxsus elektrik enerjisi haqlarını internet üzərindən ödəmək imkanı yaradılıb

“Azərenerji” ASC-nin xidmət sahəsinə aid olan ərazilərdə (Bakı şəhəri və Naxçıvan MR istisna olmaqla) istehlak olunmuş elektrik enerjisinə görə borcları öyrənmək və real vaxt rejimində ödəniş kartları vasitəsilə internet üzərindən elektrik enerjisi haqlarını ödəmək mümkündür. Belə ki, “Enerji haqlarının internet vasitəsi ilə ödənilməsi” xidməti  tam avtomatlaşdırılıb.

“ICTnews” elektron xəbər xidmətinin Səhmdar Cəmiyyətin rəsmi saytına istinadən verdiyi məlumata görə, artıq abonentlər onlara məxsus elektron imzadan istifadə edərək “e-gov.az”  “Elektron Hökumət” Dövlət İnformasiya Sistemi Elektron Xidmətlər Portalı vasitəsi ilə “apus.az” saytında “Azərenerji” ASC-nin xidmət sahəsinə daxil olmaqla və ya elektron imzadan istifadə etmədən “http://azerenerji.gov.az/” və ya “http://info.apus.az/” internet səhifələrinə daxil olaraq bu elektron xidmətdən istifadə edə bilər.

Qeydiyyat “http://info.apus.az/” internet səhifəsindən istifadə edilməklə aparılır: “Abonentin qeydiyyatının asanlaşdırılması üçün göstərilən internet səhifəsində müvafiq təlimatlar, izahlar və videoçarxlar yerləşdirilib. Abonentlər internet ünvan vasitəsi ilə KÖMİS-in Baş səhifəsinə daxil olur. Baş səhifədə “Real vaxt rejimində qeydiyyat” opsiyası seçilir və “Abonentin qeydiyyatı” vərəqi çıxır.

Abonent şəxsiyyət vəsiqəsi və vərəqdə göstərilən ona aid digər məlumatları “Abonentin qeydiyyatı” vərəqində dolduraraq real vaxt rejimində qeydiyyata alınır. Eyni zamanda birinci dəfə KÖMİS-də qeydiyyatdan keçmək üçün abonent bilavasitə müvəkkil banklara müraciət edə bilər”.Sistemdə qeydiyyatdan keçmiş istehlakçılara elektron xidmət mütləq qaydada göstərilir.

Ödənişsiz olaraq həyata keçirilən interaktiv növlü e-xidmətin yerinə yetirilməsinə nəzarəti “Azərenerji” ASC-nin Enerji Təchizat İdarəsi həyata keçirir. Xidmətin göstərilməsi ilə bağlı yaranan mübahisələr abonent və “Azərenerji” ASC arasında ikitərəfli anlaşma yolu ilə həll edilir. Bu cür anlaşma olmadıqda abonent qanunvericiliyə uyğun olaraq inzibati qaydada və məhkəməyə şikayət verə bilər.
 
CAHANGİR




Baxış sayı: 9960

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024