İNTERNET

Tarix:22/08/12

Qlobal şəbəkə üçün Azərbaycanla bağlı izahlı istinadların siyahısı hazırlanır

2012-ci ilin birinci yarısında muzey fondlarının komplektləşdirilməsi, ekspozisiyalarının təkmilləşdirilməsi, maddi-texniki bazalarının möhkəmləndirilməsi, onlara əməli və metodiki kömək göstərilməsi, mövcud olan nöqsanların aradan qaldırılması istiqamətində məqsədyönlü iş aparılıb, muzeylər tərəfindən təqdim edilmiş hesabatlar təhlil edilib.

İşğal altında olan muzeylərin “www.diyarshunasliq.az” veb-saytı yaradılıb və onun təqdimatı keçirilib. Sayta daxil edilən məlumatlar muzey işçilərinin yaddaşında qalmış məlumatlara, onların şəxsi arxivlərində saxlanılan fotoşəkillərə əsaslanır.

Respublika üzrə virtual diyarşünaslıq muzeyləri şəbəkəsi yaratmaqda məqsəd əlaqəli məlumatlar bazası sistemi əsasında Azərbaycan regionlarının mədəni-tarixi, irsi obyektlərinin elektron kataloqunu formalaşdırmaq, eyni zamanda internet şəbəkəsində regional və dünya mədəniyyəti resurslarına Azərbaycanla bağlı izahlı istinadların siyahısını hazırlamaqdır.

“ICTnews” elektron xəbər xidmətinə bu barədə Mədəniyyət və Turizm Nazirliyinin (MTN) mətbuat xidmətindən məlumat verilib.

MTN-dən bildirilib ki, nazirliyin dəstəyi ilə “Qarabağın işğal altında olan ərazilərində mövcud olmuş turizm obyektlərinin (kurort sanatoriya obyektləri daxil olmaqla) siyahılaşdırılması, işğal nəticəsində Azərbaycan və dünya turizminin mənəvi-maddi itkilərinin təhlili, təhlilin hesabatının ictimailəşdirilməsi” və “Qarabağın işğal altında olan maddi-mədəni itkilərinin siyahılaşdırılması və beynəlxalq ictimaiyyətə çatdırılması” mövzularının araşdırılması da təklif edilib.

HƏQİQƏT

Baxış sayı: 1185