12px13px15px17px
Tarix:05/09/12

Braziliya “Facebook”u cərimələyəcək

Braziliya prokurorluğu resursun bir sıra istifadəçiləri haqqında informasiyanı təqdim etmədiyinə görə “Facebook” sosial şəbəkəsinin yerli ofisini cərimələmək niyyətindədir. Cərimənin məbləği 750 min Braziliya realı (təxminən 380 min ABŞ dolları) təşkil edə bilər.

“ICTnews.az” elektron xəbər xidməti “rg.ru” saytına istinadən bildirir ki, prokurorluq əməkdaşlarının sözlərinə görə, “Facebook”un Braziliyada yerləşən nümayəndəliyi iki həftədən çox müddət ərzində sosial şəbəkənin uşaqbazlıq haqqında işin araşdırılması çərçivəsində soruşulmuş istifadəçiləri haqqında şəxsi informasiyanın təqdim edilməsi haqqında yerli məhkəmənin çıxardığı qətnamənin tələblərini yerinə yetirmir.

“Facebook”un Braziliyada yerləşən ofisinin əməkdaşları isə öz növbəsində iddia edirlər ki, resursun yerli nümayəndəliyi reklam məsələləri ilə məşğul olur və şəxsi informasiyaya çıxış imkanına malik deyil.

Lakin polis onların dəlillərini tutarsız hesab edib, çünki istifadəçilərin şəxsi məlumatlarını ABŞ-da saxlayan “Google” və “Yahoo!” kimi digər internet-şirkətlər bu informasiyanı hüquq-mühafizə orqanlarına təqdim ediblər. Bundan sonra “Facebook”un Braziliyada yerləşən ofisinin əməkdaşları lazımi məlumatların ölkənin paytaxtında yerləşən Amerika səfirliyinə təqdim edilməsi barədə polisə xəbər veriblər.
 
EMİL




Baxış sayı: 1269

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024