İNTERNET

Tarix:19/07/11

Çin axtarış sistemi şəxsi səyyahını və proqram mağazasını istifadəyə verir

Çin axtarış sistemi “Baidu” istifadəçilərə şəxsi səyyahının ilkin versiyasına, həmçinin müxtəlif məhsullar və “Baidu” sistemi ilə qarşılıqlı əlaqədə olan şəxsi 30000 internet-proqramı kolleksiyasına giriş təklif edib. Qeyd edək ki, əvvəllər şirkət şəxsi səyyah hazırlamasını inkar edirdi.
“Baidu”dan bildiriblər ki, onların səyyahı sadə və etibarlıdır, o, şəbəkədə təhlükəsiz naviqasiya və zərərli proqram təminatlarından müdafiə təklif edir. Bundan başqa, səyyah şəxsi proqram kolleksiyası ilə əlaqəlidir. Proqramlar da, həmçinin səyyah ilə əlaqəlidir və onsuz işləmirlər. Proqramlar səyyahın pəncərəsi vasitəsilə işləyirlər. Proqramlar müxtəlifdir: musiqi pleyrlərindən kulinariya reseptləri toplusuna və komikslər üçün riderlərə kimi.
Hal-hazırda Çin Xalq Respublikasında (ÇXR) internet axtarış bazarında “Baidu” sisteminin payı təxminən 76% təşkil edir, ikinci yerdə 18% göstərici ilə “Google” şirkəti qərarlaşır. Eyni zamanda Çin bazarında “Microsoft İnternet Explorer” (62.9%) səyyahı üstünlük təşkil edir. Lakin son zamanlar onun məşhurluğu aşağı düşür. “Mozilla Firefox” və “Google Chrome” səyyahlarının payı isə artmaqdadır. Səyyahın səhifəsi http://liulanqi.baidu.com/ (indi yalnız Çin versiyası və yalnız “Win XP” / Vista/7 əməliyyat sistemləri üçün mövcuddur) ünvanında yerləşir.

cybersecurity.ru

Baxış sayı: 1220