İNTERNET

Tarix:10/09/12

XİN sözçüsü gəncləri internetdə fəal olmağa çağırdı

«Gənclərimiz bu gün informasiya texnologiyalarının verdiyi imkanlardan istifadə edərək, Azərbaycan həqiqətlərinin dünya səviyyəsində təbliğinə çalışmalıdırlar». Bu fikirləri Xarici İşlər Nazirliyinin mətbuat xidmətinin rəhbəri Elman Abdullayev söyləyib.

“ICTnews.az” elektron xəbər xidmətinin məlumatına görə, Gəncə şəhərində təşkil olunan Gənclərin I Liderlik Forumunun budəfəki mövzusu “Azərbaycanın inkişaf prioritetləri: insan kapitalına yatırımlar” olub. Ekspert qismində Prezident yanında Dövlət Qulluğu Məsələləri üzrə Komissiyanın sədri Bəhram Xəlilov və Xarici İşlər Nazirliyinin mətbuat xidmətinin rəhbəri Elman Abdullayev çıxış ediblər.

XİN sözçüsü Azərbaycan Gənclərinin I Liderlik Forumu, ümumiyyətlə, bu səpkili tədbirlərin həyata keçirilməsi ölkə gəncliyinin həyatında mühüm yer tutduğunu bildirib. O, bu tədbirlərin gənclər arasında faydalı şəbəkələşmənin yaranmasında çox vacib amil olduğunu deyib. E.Abdullayevin sözlərinə görə, gənclərimiz bu gün informasiya texnologiyalarının verdiyi imkanlardan istifadə edərək, Azərbaycan həqiqətlərinin dünya səviyyəsində təbliğinə çalışmalıdırlar».

B.Xəlilov isə çıxışında gəncləri bir araya gətirən belə tədbirlərin yüksək əhəmiyyətindən danışıb. Ekspertin sözlərinə görə, hazırda Azərbaycanda insan kapitalına yatırımlar dövlət səviyyəsində müxtəlif istiqamətlər üzrə həyata keçirilir və bu öz nəticəsini çox qısa zamanda göstərməkdədir.

SEYMUR

Baxış sayı: 1294