12px13px15px17px
Tarix:26/09/12

“Hesab.az” portalının loqosu dəyişəcək

“GoldenPay” Milli ödəniş sistemi “Hesab.az” portalının rebrendinqi üzrə kompleks tədbirlər həyata keçirməyə başlayır. Bu barədə “ICTnews” elektron xəbər xidmətinə “GoldenPay” şirkətinin direktoru Fərid İsmayılzadə bildirib. Onun sözlərinə görə, “GoldenPay” şirkəti layihəni daha maraqlı, effektiv və aktual etmək üçün onu yeniləməyi planlaşdırıb. Rebrendinqin həyata keçirilməsi üzrə işlər, Azərbaycanda həyata keçirilən bir sıra uğurlu layihə və kreativ ideyaları ilə tanınan “Jeyhun Imanov Studio” (JIS) şirkətinə həvalə edilib.

“JIS” şirkəti ödəniş sisteminin yeni loqosunun işlənib hazırlanması, portalın interfeysinin yenilənməsi ilə məşğul olacaq, bu da portalın istifadəçilər üçün daha rahat olmasını təmin edəcək. Layihə çərçivəsində portalın tanınması və yeni istifadəçilərin cəlb edilməsi üçün yeni aksiyaların, maraqlı oyunların  təşkili və digər kreativ ideyaların həyata keçirilməsi nəzərdə tutulub. “JIS”-in yaradıcı rəhbəri Ceyhun İmanovun sözlərinə görə, “GoldenPay” layihəsi studiya üçün xüsusi  maraq kəsb edir.

"Biz “GoldenPay” şirkətinin portalın inkişafı üzrə gələcək planları ilə diqqətlə tanış olmuşuq və əminik ki, o, “AzNET”-də “Facebook” sosial şəbəkəsi və “ebay.com” elektron kommersiya portalı qədər tanınacaq və böyük marağa səbəb olacaq", - deyə Ceyhun İmanov qeyd edib.
Rebrendinq üzrə layihəni dekabrın əvvəlinədək başa çatdırmaq planlaşdırılıb və bundan sonra layihə öz yeni imicini əldə edəcək.

  “GoldenPay” şirkətinin direktoru Fərid İsmayılzadənin sözlərinə görə, öncə şirkət daha çox layihənin texnoloji tərkibinin təkmilləşdirilməsinə və ödənişləri qəbul edən yeni operatorların cəlb edilməsinə diqqət yetirirdi və bu arada brend-menecmentə lazımi diqqət yetirilmirdi.

"Məhz buna görə biz layihənin bu sahəsinə nəzər yetirməyi qərara aldıq, bununla bağlı olaraq da rebrendinqin həyata keçirilməsinə kreativ ideyalar üzrə peşəkarları cəlb etdik. Yaxın iki ayda istifadəçilərə layihənin yeni görünüşü təqdim ediləcək", - deyə Fərid İsmayılzadə bildirib.

Yenilənmiş “Hesab.az”, istifadəçilərə elektron kommersiya portalı kimi təqdim ediləcək və onun göstərdiyi xidmətlərin sayı yaxın zamanda genişləndiriləcək.

Portal, vahid pəncərəyə çevriləcək və burada istifadəçilər kommunal xidmətləri, internet, telefon və televiziya xidmətləri üzrə ödənişləri həyata keçirəcəklər.

Yaxın zamanda portal vasitəsi ilə “ebay.com” prinsipinə uyğun olaraq mallar və xidmətlər, o cümlədən turistik, təyyarə, qatar biletlərini, əyləncə mərkəzlərinə, mədəniyyət ocaqlarına və s. biletləri almaq və satmaq olacaq.

Ödənişləri “Visa” və “MasterCard” kartları ilə yanaşı, “hesab.az” portalında qeydiyyatdan keçərək “elektron pul kisəsi” hesabı açaraq həyata keçirmək mümkün olacaq. “Elektron pul kisəsi”nin hesabını banklar, poçt şəbəkəsi və ya “Paypoint” terminalları vasitəsi ilə doldurmaq mümkün olacaq.

Gələcəkdə “GoldenPay” şirkəti, banklardan birinin köməyi ilə, xüsusi “Hesab.az” kartlarını buraxmağı planlaşdırır. Bu kartlar vasitəsi ilə bonus əldə etməklə ödəniş həyata keçirmək və istənilən bankda hesabı doldurmaq mümkün olacaq.
 
Qeyd edək ki, “GoldenPay” Azərbaycanda ilk təhlükəsiz internet ödəniş sistemi olaraq, 150-dən çox Azərbaycan şirkətinə xidmət göstərir. “GoldenPay”, ödəniş xidmətləri üzrə fəaliyyət göstərmək üçün “Visa International”  və “MasterCard” aparıcı beynəlxalq ödəniş sistemlərinin lisenziyalarını alıb.
Ödəniş sistemində ödənişləri, dünyanın istənilən bankı tərəfindən buraxılmış “VISA/VISA Electron”, “MasterCard/Maestro” kartları vasitəsi ilə həyata keçirmək olar. Ödəniş sisteminin təhlükəsizliyi  “VeriSign” SSL şifrləmə metodu ilə istifadə edilir.

RƏVAN




Baxış sayı: 592

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Avqust 2019

19/08/19
“Google Play” mağazasında virus proqramları 8 milyon dəfə yüklənilib

İnformasiya təhlükəsizliyi üzrə həllərin istehsalçısı olan “Trend Micro” şirkəti 85 virus tətbiqindən iba

19/08/19
Dünyada İKT xərcləri stabil artacaq

İqtisadi artımın zəifləməsi və ABŞ və Çin arasında ticarət münaqişəsinin kəskinləşməsinə baxmayaraq dünya

19/08/19
Qurğuların işləmə sürətini on dəfələrlə artıra bilən nanoelementlər hazırlanır

Rusiya Elmlər Akademiyasının Bərk Cisimlər Fizikası İnstitutunun mütəxəsissləri rəqəmli və kvant elektron

19/08/19
Təyyarəni drona çevirən sistemin sınaqları keçirilib (VİDEO)

ABŞ Hərbi Hava Qüvvələrinin tədqiqat laboratoriyası yüngül təyyarələri pilotsuz uçan aparatlara çevirməyə

19/08/19
Dünyada ilk dəfə depressiyanı müalicə edən cihaz satışa çıxarılıb

“Flow” şirkəti depressiyanın ev şəraitində müalicə edən cihazın satışına başlayıb. Sözügedən cihaz beyin

19/08/19
Yeni ekzoskelet yerimə və qaçışı asanlaşdıracaq

ABŞ və Cənubi Koreya beynəlxalq alimlər qrupu eyni anda insanın həm yerimə, həm də qaçış zamanı enerji sə

19/08/19
Qətərin paytaxtında qeyri-adi yol istifadəyə verilib

Doha şəhərinin hakimiyyəti Yapon şirkəti ilə birgə pilot layihə həyata keçirir: mərkəzi küçələrdən biri m

19/08/19
Robot it komandalara reaksiya verir

ABŞ-ın Florida Atlantik Universitetinin alimləri dərin təlim və süni intellekt texnologiyası vasitəsilə “

18 08 2019