12px13px15px17px
Tarix:05/10/12

Turizm sahəsində sənədlərin qəbulu yalnız elektron formada həyata keçiriləcək

Mədəniyyət və Turizm Nazirliyi bütün xidmətləri elektron formada həyata keçirəcək. Bu barədə “ICTnews” elektron xəbər xidmətinə  nazirliyin mətbuat xidmətinin rəhbəri İntiqam Hümbətov məlumat verib. Onun sözlərinə görə, müasir və çevik idarəetmənin təmin edilməsi, hüquqi və fiziki şəxslərə turizm və mehmanxana fəaliyyətinə lisenziya verilməsi prosedurunun sadələşdirilməsi, lisenziyaların verilməsi prosesində şəffaflığın artırılması, lisenziya alan turizm şirkətlərinin, mehmanxana və mehmanxana tipli obyektlərin elektron məlumat bazasının yaradılması məqsədilə, eləcə də "Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında" Azərbaycan Respublikası Prezidentinin 2011-ci il 23 may tarixli Fərmanına uyğun olaraq bu aydan turizm, mehmanxana və mehmanxana tipli obyektlərin fəaliyyətinə xüsusi razılıq (lisenziya) alınması üçün sənədlərin elektron formada qəbuluna başlanılıb.

Bununla əlaqədar turizm şirkətləri, mehmanxana və mehmanxana tipli obyektlər müvafiq lisenziya almaq üçün 2013-cü il martın 31-dək həm ənənəvi, həm də elektron formada Mədəniyyət və Turizm Nazirliyinə müraciət edə bilərlər. Gələn il aprelin 1-dən isə sənədlərin qəbulu yalnız elektron formada həyata keçiriləcəkdir.

İ.Hümbətov turizm şirkətləri, mehmanxana və mehmanxana tipli obyektlərin Mədəniyyət və Turizm Nazirliyinin göstərdiyi elektron xidmətlərdən istifadə etmək üçün “www.e-services.mct.gov.az” elektron ünvanına müraciət etməyini bildirdi.

RƏVAN




Baxış sayı: 1323

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024