İKT

Tarix:21/07/11

Ölkəmizdə mobil telefon xidmətlərinin qiyməti Şərqi Avropa ölkələri səviyyəsindədir

Azərbaycanda mobil abunəçilərin sayı ilin əvvəlinə nisbətən təxminən 518 965 ədəd artaraq 9 629 000 ədəd təşkil edib. Bu da hər 100 nəfərə təxminən 105,0 mobil abunəçinin düşməsi deməkdir. Qeyd edək ki, hazırda 100 nəfərə düşən mobil abunəçi üzrə dünya orta göstəricisi 78,0 ədəd təşkil edir. Beləliklə də, Azərbaycan dünya orta göstəricisini təqribən 35% qabaqlayır.
Cari ilin I yarımilliyində mobil şəbəkədə kontur sistemindən manat sisteminə keçid, mobil bazarda rəqabət mühitinin artması və yeni texnologiyaların tətbiqi mobil telefon xidmətlərinin qiymətinin 30%, rouminq xidmətlərinin qiymətinin isə istiqamətlər üzrə 20-50% azalmasına səbəb olub. İndi ölkəmizdə mobil telefon xidmətlərinin qiyməti təxminən Şərqi Avropa ölkələri səviyyəsindədir.

Baxış sayı: 1153