12px13px15px17px
Tarix:18/10/12

AQUPDK-nın rəsmi internet səhifəsi təkmilləşdirilir

Ailə, Qadın və Uşaq Problemləri üzrə Dövlət Komitəsinin (AQUPDK) rəsmi internet səhifəsinin (http://scfwca.gov.az/) təkmilləşməsi istiqamətində yeni imkanlar araşdırılır və bu məsələ komitə rəhbərliyinin nəzarətindədir. Bu barədə “ICTnews” elektron xəbər xidmətinə komitənin Ailə problemləri şöbəsinin məsləhətçisi Səmra Əliyeva məlumat verib.

O bildirib ki, Ailə, Qadın və Uşaq Problemləri üzrə Dövlət Komitəsinin fəaliyyəti, komitə tərəfindən görülən işlər, təşkil olunan tədbirlər barəsində məlumatlar mütəmadi olaraq sayta yerləşdirilir: «Həmçinin onu da qeyd etmək lazımdır ki, saytın suallar, şikayətlər və təkliflər bölməsinə gələn müraciətlər operativ cavablandırılır və vətəndaşlara komitə əməkdaşları tərəfindən aidiyyəti mövzularda köməklik göstərilir».

S.Əliyeva əlavə edib ki, Azərbaycan Respublikası Prezidentinin “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” 2011-ci il 23 may tarixli 429 nömrəli Fərmanı və 11 avqust 2010-cu il tarixli 1056 nömrəli Sərəncamı ilə təsdiq edilmiş “Azərbaycan Respublikasında rabitə və informasiya texnologiyalarının inkişafı üzrə 2010-2012-ci illər üçün Dövlət Proqramı”na uyğun olaraq komitəmizin rəhbər işçiləri “Elektron imza” ilə təmin olunmuş və imzalar istifadəyə hazır vəziyyətə gətirilib.
Hazırda komitədə elektron daxili dövriyyə sistemi ilə bağlı imkanların araşdırıldığını söyləyən S.Əliyeva bildirib ki, bu məsələnin yaxın zamanda həlli gözlənilir.

SEYMUR




Baxış sayı: 2242

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 Oktyabr 2021

25 10 2021