İKT

Tarix:19/10/12

İnformasiya Texnologiyaları İnstitutunda “Hostinq” xidməti fəaliyyətə başlayacaq

“AzScienceNet” Elm Kompüter Şəbəkəsində (EKŞ) respublikanın elm və təhsil müəssisələri üçün “Hostinq” xidmətinin, onlayn videokonfransların, regionlar üçün distant tədris və digər xidmətlərin təşkili istiqamətində işlər aparılır.

“AzScienceNet” EKŞ-nin serverlərində yerləşdirilmiş saytlarda “Hostinq” xidmətlərinin genişləndirilməsi məqsədilə müştəri portallarının yaradılması, eləcə də AMEA-nın institut və təşkilatlarında beynəlxalq videokonfransların keçirilməsi imkanlarının reallaşdırılması nəzərdə tutulub.

AMEA-nın institut və təşkilatlarının web-saytlarının “AzScienceNet” şəbəkəsində yerləşdirilməsi, həmin saytların daha təhlükəsiz və səmərəli idarəolunmasına imkan yaradacaq.

Qeyd edək ki, “Hostinq” xidməti web səhifələrin, web-saytların, web-portalların və digər web üzərində işləyən proqramların serverlərimizdə yerləşdirilməsinə cavab verir.

Baxış sayı: 1492