İNTERNET

Tarix:23/10/12

DŞAK rəsmi internet səhifəsində Baş planların şərh olunması texnologiyasını həyata keçirəcək

«Təkcə Bakı şəhəri üzrə deyil, ölkənin bütün şəhər və rayonlarının hansının Baş planı işlənəcəksə, onlar Şəhərsalma və Tikinti Məcəlləsinə uyğun olaraq Dövlət Şəhərsalma və Arxitektura Komitəsinin (DŞAK) rəsmi internet səhifəsində (arxkom.gov.az) yerləşdiriləcək. Bu barədə “ICTnews” elektron xəbər xidmətinə DŞAK-nın mətbuat xidmətinin rəhbəri Cahangir Qocayev danışıb.

O bildirib ki, bu vaxta qədər hazırlanan Baş plan və ümumi planlar artıq komitənin saytında yerləşdirilib. Onun sözlərinə görə, bundan sonra sözügedən planların şərh olunması texnologiyası həyata keçiriləcək: «Çünki məcəllə yanvarın birindən qüvvəyə minib.

Bilirik ki, qanunlar özündən əvvəlki tarixə şamil olunmur. Amma buna baxmayaraq biz bu günə qədər hazırlanan Baş planların layihəsini saytımızda yerləşdirmişik. Hətta bizim saytda Bakının keçmiş Baş planı da otuzdurulub. Bakının indiki Baş planının konsepsiyası üzərində iş gedir. Bu da hazır olduqdan sonra saytımızda yerləşdirəcəyik».

SEYMUR

Baxış sayı: 1777