İNTERNET

Tarix:29/10/12

Azərbaycanda Qiymətli Metallara və Qiymətli Daşlara Nəzarət Dövlət Xidmətinin rəsmi internet səhifəsi istifadəyə verilib

Maliyyə Nazirliyinin Qiymətli Metallara və Qiymətli Daşlara Nəzarət Dövlət Xidmətinin rəsmi internet səhifəsi (www.eyar.maliyye.gov.az) yaradılıb.

“ICTnews” elektron xəbər xidmətinin məlumatına görə, internet-səhifədə qurum haqqında ətraflı məlumat verilməklə yanaşı, qiymətli metallar və qiymətli daşlar, sərvətlər, cihaz və avadanlıqlar, dövlət rüsumları barədə informasiyalar və sahə üzrə bir sıra ərizə formaları, o cümlədən statistik məlumatlar təqdim olunub.Saytda həmçinin sahə üzrə təqdim olunan elektron xidmət növlərinə dair xüsusi banner yerləşdirilib.

İnternet-səhifəyə daxil olmaqla istifadəçilər quruma onlayn qaydada müraciət imkanı da əldə edirlər.Nəfis dizaynda və yüksək keyfiyyətlə hazırlanan sayt Azərbaycan və ingilis dillərində fəaliyyət göstərir.

CAHANGİR

Baxış sayı: 1662