İNTERNET

Tarix:02/11/12

Azərbaycanın internet saytı beynəlxalq mükafata layiq görülüb

Azərbaycan Respublikası Mədəniyyət və Turizm Nazirliyi ilə ABŞ-ın "CNN" telekanalı arasında əməkdaşlıq çərçivəsində yaradılan, Azərbaycana gəlmək istəyən əcnəbi vətəndaşlar üçün ölkəmizin turizm infrastrukturu, mətbəxi, əl sənətkarlığı və turizm bölgələri haqqında dolğun məlumatlar əks olunan "http://www.atoz.az/" (Azerbaijan from A to Z) internet saytı Beynəlxalq Rəqəmsal Mədəniyyət və Elmlər Akademiyasının mütəxəssislərinin səsverməsinə əsasən Səyahət və Turizm kateqoriyasında Qızıl mükafata layiq görülüb.

Bu barədə “ICTnews” elektron xəbər xidmətinə Mədəniyyət və Turizm Nazirliyinin mətbuat xidmətindən məlumat verilib. Məlumatda bildirilir ki, Avropanın 20-dən çox ölkəsində istifadəçi sayına görə qalib olan saytda istifadəçilər öz turizm marşrutlarını xəritədə görə, həmçinin «Twitter» və «Facebook» sosial şəbəkələri vasitəsilə paylaşa bilərlər.

Məlumat üçün qeyd edək ki, Mədəniyyət və Turizm Nazirliyi ilə "CNN" telekanalı arasında bağlanmış uzunmüddətli müqaviləyə əsasən həmin telekanalda Azərbaycanın turizm potensialını əks etdirən videoçarxlar yayımlanır.

SEYMUR

Baxış sayı: 1353