12px13px15px17px
Tarix:02/11/12

Ramanıda müasir texnologiyaya əsaslanan telefon stansiyası istifadəyə verilib

Bakı Telefon Rabitəsi İstehsalat Birliyi Bakının kənd və qəsəbələrində vətəndaşların müasir telekommunikasiya xidmətlərindən istifadə etməsi üçün nəzərdə tutulan tədbirlər planının icrasını sürətlə həyata keçirir.

BTRİB-in texniki direktoru Rəsul Qurbanovun "ICTnews"-a verdiyi məlumata görə, bu istiqamətdə həyata keçirilən işlərin tərkib hissəsi olaraq Yeni Ramanı adlanan yaşayış sahəsində "ONU" (Optik Network Union - Optik Şəbəkə Nöqtəsi) tipli stansiya istifadəyə verilib.

 "ONU" stansiyası sakinlərə NGN texnologiyası imkanlığı ilə 60-dan çox xidmətdən istifadə etməyə imkan verir.
Rəsul Qurbanov bildirib ki, sözügedən avadanlıq istifadəçilərin telefon xidməti ilə yanaşı, bütün multimedia xidmətlərindən yüksək səviyyədə istifadəsinə geniş imkanlar yaradır.

Bu avadanlıq abunəçi ilə stansiya arasında məsafəni qısaldır, telefon, internet xidmətinin daha sürətli və keyfiyyətli şəkildə çatdırılmasını təmin edir. Qeyd edək ki, Bakıda geniş şəkildə tətbiq edilən bu avadanlıq dünya təcrübəsində özünü doğruldub.

RƏVAN




Baxış sayı: 1309

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024