12px13px15px17px
Tarix:05/11/12

Azərbaycanda tətbiq edilən “Bir pəncərə” sistemi və informasiya-kommunikasiya texnologiyaları xüsusi marağa səbəb olub

Moskva şəhərində “Eksposentr” Mərkəzi Sərgi Kompleksində “Gömrük xidməti - 2012” XIII Beynəlxalq mövzusunda keçirilən sərgi artıq yekunlaşıb. Rusiya Federasiyasının Gömrük Xidməti tərəfindən təşkil edilmiş, Federal Dövlət Unitar Müəssisəsi “ROSTEK” və “ROSTEK-Tamojnform” QSC-nin informasiya və sistem dəstəyilə baş tutmuş sərginin işində gömrük aparatı və regional bölmələrdən başqa, biznes, logistika strukturları, aviaşirkətlər, ticarət təşkilatları və bank təmsilçiləri, eləcə də 25 əcnəbi nümayəndə iştirak edib.

Sərgidə iştirak etmək üçün Azərbaycan Respublikası Dövlət Gömrük Komitəsi “Azərterminalkompleks” Birliyinin direktoru, gömrük xidməti general-mayoru Qambay Əliyevin rəhbərlik etdiyi nümayəndə heyəti də Moskva şəhərində səfərdə olub. “ICTnews” elektron xəbər xidmətinə bu barədə Dövlət Gömrük Komitəsinin Mətbuat xidmətindən məlumat verilib.

Komitədən bildirilib ki, Azərbaycana aid stenddə bütün gömrük idarələrində tətbiq edilən “Bir pəncərə” sistemi və informasiya-kommunikasiya texnologiyaları, gömrük orqanlarının sistemi daxilində mobil qrupların təşkil edilməsi və bu məqsədlə xüsusi avtomobillərin alınması və s. barədə materiallar xüsusi marağa səbəb olub: “Sərgi zamanı Azərbaycan Gömrüyünün Tarixi Muzeyi haqqında da məlumat verilərək, sərgi iştirakçılarına rus dilində üç film göstərilib.

Bundan başqa, sərgi zamanı Rusiya Federasiyası Gömrük Xidmətinin sədri Andrey Belyaninova Azərbaycan Gömrüyünün Tarixi Muzeyində saxlanılan rus tarixi, mədəniyyəti və incəsənətini tərənnüm edən 92 eksponatdan ibarət “Rus incəsənəti aləmində” fotoalbomu göstərilib, eləcə də Rusiya Hökuməti sədrinin birinci müavini İqor Şuvalova 3 sentyabr 2010-cu il tarixdə Azərbaycan prezidenti İlham Əliyev tərəfindən Rusiya prezidenti Dmitri Medvedevə verilmiş XIX əsrin əvvəllərinə aid 5 ikona haqqında videogörüntü nümayiş etdirilib”.

HƏQİQƏT




Baxış sayı: 1488

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024