İKT

Tarix:13/11/12

TQDK-nın təqdim etdiyi 3 e-xidmət Elektron Xidmətlər Portalına inteqrasiya edilib

Tələbə Qəbulu üzrə Dövlət Komissiyası “e-Gov” Elektron Xidmətlər Portalına qoşulub. “ICTnews” elektron xəbər xidmətinin məlumatına görə, komissiyanın nəşrlərinin elektron versiyalarının satışı sistemi və virtual ödəmə kartlarının “Goldenpay” və “Netmoney” vasitəsilə satışı xidmətləri portala inteqrasiya edilib.

TQDK-nın nəşrlərinin elektron versiyalarının satışı sistemi vasitəsilə “Abituriyent” və “Magistr” jurnalları və sair metodiki vasitələri əldə etmək olar.

TQDK-nın virtual ödəmə kartlarının “Goldenpay” və “Netmoney” vasitəsilə satışı xidmətləri ilə elektron ərizə vermək və sınaq imtahanlarına yazılmaq üçün nəzərdə tutulmuş virtual ödəmə kartlarının elektron satışı mümkündür.

CAHANGİR

Baxış sayı: 1317