İNTERNET

Tarix:15/11/12

“Gmail” məktubları həcminə görə axtaracaq

“Gmail” poçt xidməti artıq məktubları həcminə görə də axtaracaq.“ICTnews.az” elektron xəbər xidməti “lenta.ru” saytına istinadən bildirir ki, axtarış operatorlar vasitəsilə həyata keçirilir. Məsələn, həcmi 5 MB-dan çox olan məktubları axtarmaq üçün “Gmail” poçt xidmətinin axtarış sətrinə "size:5m" və ya "larger:5m" daxil etmək lazımdır. "larger:2m smaller:3m" sorğusu üzrə həcmi 2-dən 3 meqabayta qədər olan məktublar axtarılacaq. Axtarış zamanı məktubun və ona bərkidilmiş faylın həcmi nəzərə alınır.
Operatorların tam siyahısı ilə “Gmail”-in soraq bölməsində tanış olmaq olar.

Məlumat üçün bildirək ki, “Gmail” poçt xidməti “Google” korporasiyasına məxsusdur. “ComScore” tədqiqat şirkətinin məlumatına görə, onun aylıq auditoriyası 290 milyona bərabərdir.

EMİL

Baxış sayı: 1386