12px13px15px17px
Tarix:16/11/12

İctimai “Wi-Fi” şəbəkələri 7 dəfə daha sürətli olacaq

Şimali Karolina Universitetində (NCSU) çalışan tədqiqatçılar ictimai yerlərdə (konfrans zalları, kafe, aeroport) fəaliyyət göstərən “Wi-Fi” şəbəkələrinin sürətinin artırılması metodunu hazırladıqlarını  elan ediblər.

“ICTnews.az” elektron xəbər xidməti “lenta.ru” saytına istinadən bildirir ki, “WiFox” adlandırılmış metod şəbəkə üzrə ötürülən trafikin daimi nəzarətinə əsaslanır. Əgər “Wi-Fi” şəbəkəsinə  qoşulmuş istifadəçilərin sayı artarsa, o zaman giriş nöqtəsi onların sorğularını emal etməyi dayandıracaq. Nəticədə sorğu növbəsi yaranır.

“WiFox” metodu sorğu növbəsini aşkar etdikdə prioritetləri müəyyənləşdirir: ilk növbədə sorğuları artıq növbədə olan müştərilərin məlumatları göndərilir və yalnız bundan sonra yeni sorğular emal üçün qəbul edilir. Yüklənmə azaldıqda giriş nöqtəsi adi iş rejiminə keçir.

Tədqiqatçılar alqoritmi öz “Wi-Fi” şəbəkələrində sınaqdan keçiriblər. Sınaq nəticələrinə əsasən, “WiFox” aktiv olduqda verilənlərin emal sürəti 4-7 dəfə artır.Alqoritmin üstünlüyü ondan ibarətdir ki, onun tətbiq edilməsi zamanı əlavə avadanlıq tələb olunmur.
 
EMİL




Baxış sayı: 977

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






23 Oktyabr 2021

22 10 2021