NRYTN

Tarix:16/11/12

Naxçıvanda ən ucqar kəndlərə optik kabellər çəkilməklə keyfiyyətli telefon xidmətləri göstərilir

Babək rayon mərkəzindən 45 kilometr məsafədə yerləşən Buzqov kəndinə optik kabel çəkilib. Bu barədə “ICTnews”-a Naxçıvan Rabitə və informasiya texnologiyaları nazirinin müavini Əli Mikayılov məlumat verib.

Onun sözlərinə görə, Ermənistanla həmsərhəd kəndə çəkilən yeni optik kabel xəttindən həmçinin Aşağı Buzqov, Yuxarı Buzqov və Gərməçataq kəndləri istifadə edəcək. Optik kabel xəttinin ən ucqar kəndə çəkilməsi ilə kənd sakinləri keyfiyyətli telefon rabitəsi ilə yanaşı, yüksəksürətli internet və digər multimedia xidmətlərindən istifadə etmək imkanı əldə edəcəklər.

Nazir müavini bildirdi ki, ərazinin relyefinin çox çətin olması yüksək sıldırım dağlıq ərazilərdən optik kabellərin çəkilməsi böyük çətinliklər yaratsa da, rabitəçilərin qətiyyəti layihənin ən qısa vaxt ərzində reallaşdırılmasına imkan verib.

Qeyd edək ki, hazırda Naxçıvanda bütün rabitə şəbəkəsinin ən müasir texnologiya əsasında tamamilə yenidən qurulması istiqamətində işlər davam etdirilir.

RƏVAN

Baxış sayı: 1108