İKT

Tarix:16/11/12

DQMK “Hökumət liderləri üçün İKT Akademiyası” mövzusunda Koreyada keçirilən görüşdə təmsil olunub

Koreya Respublikasının İnçeon şəhərində İnformasiya və Kommunikasiya Texnologiyasının İnkişafı üzrə BMT-nin Asiya və Sakit Okean Təlim Mərkəzi (UN-APCICT) tərəfindən "Hökumət liderləri üçün İKT Akademiyası" mövzusunda tərəfdaşların 4-cü görüşü keçirilib.

Azərbaycan Respublikasının Prezidenti yanında Dövlət Qulluğu Məsələləri üzrə Komissiyadan "ICTnews" elektron xəbər xidmətinə verilən məlumata görə, komissiyanın Dövlət qulluğuna kadrların seçilməsi şöbəsinin böyük məsləhətçisi Seymur Alıyev görüşdə iştirak edib.

Tədbirə 25 ölkədən 50 nəfərdən artıq hökumət nümayəndələri qatılıb. Görüş zamanı yeni təlim modulları üzərində müzakirələr aparılıb və illik planlar barədə məruzələr dinlənilib.

CAHANGİR

Baxış sayı: 1461