İKT

Tarix:17/11/12

2013-cü ildə İT xərclərinin həcmi yalnız 2,5 faiz artacaq

2013-cü ilin nəticəsinə görə, informasiya texnologiyalarına (İT) sərf olunmuş korporativ xərclərin həcmi 2012-ci illə müqayisədə 2,5 faiz artaraq 2.603 milyard trilyon dollar təşkil edəcək.

"Gartner" şirkətində çalışan analitiklərin fikrincə, İT sektorunda ən böyük yatırım istehsal və təbii resurslar bazarında gözlənilir. "Gartner" analitiklərinin proqnozuna əsasən, 2013-cü ildə bu sektorda xərclərin həcmi 478 milyard dollara bərabər olacaq. Bu göstərici ötən illə müqayisədə 2,3 faiz çoxdur. İnvestisiyaların əsas istiqaməti "bulud" və mobil texnologiyalar, həmçinin "böyük məlumatlar" (Big Data) olacaq.

"ICTnews.az" elektron xəbər xidməti "dailycomm.ru" saytına istinadən bildirir ki, 2012-ci ildə bank mühiti və qiymətli kağızlar sektorunda İT layihələrinə 445 milyard dollar, növbəti il isə 460 milyard dollar ayrılacaq. İT xərclərinin artmasına səbəb maliyyə qurumlarında informasiya texnologiyalarının kifayət qədər intensiv istifadə olunmasıdır.

EMİL

Baxış sayı: 1599