İNTERNET

Tarix:19/11/12

Gənclər peşəyönümlü ixtisasları internet vasitəsilə seçəcək

Yaxın gələcəkdə Peşəyönümü Mərkəzinin müstəqil internet səhifəsi kütləvi istifadəyə veriləcək. Bu barədə Əmək və Əhalinin Sosial Müdafiəsi Nazirliyinin (ƏƏSMN) Dövlət Məşğulluq Xidməti (DMX) özünün rəsmi internet (http://www.ses.gov.az/) səhifəsində məlumat yayıb. “ICTnews.az” elektron xəbər xidməti adıçəkilən səhifəyə istinadən bildirir ki, bununla əlaqədar komponent üzrə əldə olunmuş nəticələr yüksək qiymətləndirilib və gələcəyə yönəlmiş tədbirlər hazırlanıb.

Eyni zamanda Azərbaycan dövləti tərəfindən Dünya Bankının dəstəyi ilə həyata keçirilən “Sosial müdafiənin inkişafı” layihəsinin “Əmək bazarının təkmilləşdirilməsi” komponenti çərçivəsində Gənclər üçün Peşəyönümü Xidmətləri Mərkəzinin yaradılması istiqamətində işlər tamamlanıb. Bunun nəticəsi olaraq Bakı şəhərində pilot Peşəyönümü Mərkəzi fəaliyyətə başlamış, müxtəlif peşələr üzrə standartlar hazırlanıb.

SEYMUR

Baxış sayı: 1361