İNTERNET

Tarix:28/11/12

BTİ-nin sammitində internetin tənzimlənməsi məsələləri müzakirə ediləcək

İnternetin dövlət tərəfindən tənzimlənməsi 2012-ci il dekabrın 3-dən 14-dək Dubayda keçiriləcək hökumətlərarası görüşlərin əsas mövzusu olacaq. Beynəlxalq Telekommunikasiya İttifaqı (BTİ) sammitin təşkilatçısı rolunda çıxış edir.

“ICTnews.az” elektron xəbər xidməti “vesti.ru” saytına istinadən bildirir ki, ölkələrin əksəriyyəti BTİ-yə şəbəkənin tənzimlənməsi üzrə geniş səlahiyyətlərin verilməsini təklif edir. Eyni zamanda ABŞ və digər ölkələr bu təkliflə razılaşmırlar. Onlar hesab edirlər ki, atılacaq bu addım açıq internetin məhvinə doğru aparacaq.

Bir çox hüquq müdafiə təşkilatları, həmçinin mərkəzləşdirilmiş sistemin saxlanılmasının əleyhinə çıxış edirlər. Eyni zamanda BTİ-yə daxil olan 193 ölkənin əksəriyyəti şəbəkənin özəl şirkətlər və ya “W3C”, “IETF”, “ISOC” kimi qeyri-kommersiya təşkilatları deyil, məhz BMT institutu tərəfindən idarə edilməsi fikrindədir.

Rusiya, Çin və İran daxil olmaqla onlarla ölkə artıq şəxsi sərhədləri daxilində şəbəkəyə giriş imkanını məhdudlaşdırırlar. Lakin əgər bu tədbirlər beynəlxalq sazişlə dəstəklənsə, hökumət onlayn məzmuna və internet provayderlərə daha çox təzyiq göstərə biləcək.Qeyd edək ki, ölkələr BTİ-nin konfransında digər mövzuları da müzakirə edəcəklər.

EMİL

Baxış sayı: 1551