İNTERNET

Tarix:12/12/12

Ödənişsiz reklam saytı yaradıldı

Azərbaycanda internetdən istifadə edənlərin sayı artdıqca və elektron ticarətin həcmi genişləndikcə bu sahəyə maraq da günü-gündən çoxalmaqdadır. Artıq həm istehsalçılar, həm də istehlakçılar öz alış-verişlərini internet üzərindən həyata keçirməyə daha çox maraq göstərməkdədirlər. Çünki bu, həm vaxt itkisinin, həm əlavə xərclərin qarşısını alır, həm də rahatlıqla, əziyyət çəkmədən istənilən tələbatı ödəməyə imkan verir. Bu yaxınlarda ölkədə yeni bir reklam saytı fəaliyyətə başlayıb.

«www.hipermarket.az» saytı pulsuz xidmətlər göstərir və artıq hər gün 300-400 istifadəçi bu portalın xidmətlərindən istifadə edir. Sözügedən saytdan "ICTnews" elektron xəbər xidmətinə verilən məlumata görə, xidmətlərin pulsuz olması istifadəçilərin sayının durmadan artmasına səbəb olub:

«Saytın üstünlüyü ondadır ki, burada üç baza fəaliyyət göstərir. Onlar «Alınır» (tələb edilir), «Satılır» (təklif edilir) və «Dəyişdirilir» bazalarından ibarətdir. Yəni istənilən malın, xidmətin, əşyanın, canlının və s. haqqında müvafiq bölmədə elan yerləşdirmək olar. Saytda həmçinin kirayə və icarə, iş yerləri və digər bölmələr ayrıca fəaliyyət göstərir. İstənilən sahədən tələb və təkliflər qarışıqlıq yaratmadan müvafiq bölmələrə yerləşdirilə bilər.

Qeyd edək ki, istənilən bölməyə elan yerləşdirdikdə avtomatik olaraq həmin bölməyə uyğun əvvəlcədən müəyyənləşdirilmiş suallar çıxır. Bu sualları cavablandırmaqla elanı asanlıqla hazırlamaq mümkündür. Bu, həm lazımi elanı tez tapmağa imkan verir, həm də saytın axtarış sistemində və «Google», «Yandex» və digər axtarış sistemlərindəki axtarışı asanlaşdırır, konkret elanı tapmağa kömək edir.

Saytda «səbət», «dosta göndər», «çapa vermək», «Facebook» və digər sosial şəbəkələrdə hər bir elanı ayrıca paylaşmaq, 10 şəkil, video yerləşdirmək və bir çox digər imkanlar da nəzərdə tutulub».

SEYMUR

Baxış sayı: 3624