NRYTN

Tarix:17/12/12

Naxçıvanda “Rabitə evi” yeni binaya köçürülüb

Naxçıvan Muxtar Respublikasının kəndlərində yeni sosial obyektlərin istifadəyə verilməsi, müasir infrastrukturun yaradılması sakinlərin rahatlığının təmin edilməsi baxımından mühüm əhəmiyyət daşıyır. Sakinlərin rahatlığı üçün yaradılan sahələrdən biri də rabitədir. Kəndlərdə istifadəyə verilən rabitə evləri kənd sakinlərinin informasiya-kommunikasiya texnologiyalarından istifadəsi üçün əlverişli şərait yaradır.

Bütün tələblərə cavab verən iş şəraiti ilə təmin edilən rabitə evlərindən biri də Kəngərli rayonunun Çalxanqala kənd "Rabitə evi"dir. Yeni istifadəyə verilən Çalxanqala kənd mərkəzində "Rabitə evi" üçün də iş otaqları ayrılıb. "Rabitə evi" mərkəzin birinci mərtəbəsindədir. Burada quraşdırılan 384 nömrəlik elektron ATS Çalxanqala kəndində 311 abonentə xidmət göstərir.

Yeni elektron ATS-in istifadəyə verilməsi kənd sakinlərinin multimedia xidmətlərindən istifadəsinə də şərait yaradacaq. "Rabitə evi"ndə poçt bölməsi üçün də nümunəvi şərait yaradılmış, internet və danışıq kartlarının, qəzetlərin satışı təmin olunub.

RƏVAN

Baxış sayı: 974