İKT

Tarix:25/12/12

Mobil qurğular cinsi fəallığı azaldır

Böyük Britaniyada aparılmış tədqiqatın nəticəsinə əsasən, müasir mobil qurğular sahiblərinin intim həyatına mənfi təsir göstərir. “ICTnews.az” elektron xəbər xidməti “www.gizmonews.ru” saytına istinadən bildirir ki, tədqiqatda iştirak edən respondentlərin təxminən 15 faizi qeyd edib ki, internetə çıxdıqları mobil qurğulara görə onlar sekslə az məşğul olur və hətta gecələr az yatırlar.

Əgər əvvəllər yatağında uzanmış insanlar televizora baxardılarsa, hazırda onlar smartfon, planşet və noutbukları özləri ilə yatağa daşıyır, internetdə “gəzişir” və əvvəlki ilə müqayisədə orta hesabla 1.5 saat sonra yatırlar. Tədqiqatın nəticəsinə əsasən, respondentlərin 25 faizi yalnız veb-səhifələrə baxmaqla, 15 faizi isə noutbuk və planşetlərində televiziya verilişlərini izləməklə kifayətlənir.

Bundan sonra sekslə məşğul olmağa vaxt və həvəsin qalmamasında isə təəccüblü heç nə yoxdur. Amerikanın “TeleNav” şirkətinin apardığı tədqiqat isə odun üstünə yağ töküb. Tədqiqat nəticəsində məlum olub ki, hər üçüncü smartfon istifadəçisi sevimli mobil telefonundan 1 həftə uzaq qalmaqdansa, sekslə məşğul olmamağı üstün tutub.

Emil Hüseynov

Baxış sayı: 706