İKT

Tarix:09/01/13

Larri Ellisonun biznes qaydaları

• Risk etməmək ölümə bərabərdir.

• Məni dəli adlandıranda özümü həmişə yaxşı hiss edirəm. Bu zaman digərlərindən fərqli nəsə hazırladığımıza əmin oluram.

• Ümumi baxışları şübhə altına qoymaq meyli, ekspertlərə skeptisizmlə yanaşmaq, avtoritetlər qarşısında titrəməmək həmişə mənim fərqləndirici xüsusiyyətim olub.

• Yaxşı təhsil biznesdə üstünlük sayılır, lakin uğur zəmanəti demək deyil.

• Şirkətimizdə qüvvədə olmuş qaydaya əsasən, həftədə ən azı üç dəfə birgə nahar etmədiyimiz şəxsləri işə qəbul etməzdik.

• Mən onları eşitmək istəyirlər deyə, hamının bəyəndiyi cavabları verməyə meyilli deyiləm.

• Məhsullarımızı rəqiblərimizin məhsulları ilə müqayisə edirik. Yalan danışmırıq. Biz sadəcə onların bacarmadığını edə bildiyimizi deyirik.

• Xatırladığım və keçirdiyim ən qorxulu vəziyyət odur ki, bir dəfə məktəbdən evə qayıtdıqda anam evdə olmayıb.

• Ailə mənim üçün birinci yerdə dayanır, daha sonra “Oracle” şirkəti gəlir.

• Mən hərəkətlərimi həmişə iki nöqteyi-nəzərdən təhlil etməyə çalışıram: birincisi, onlar nə qədər ədalətli və əxlaqa uyğundur, ikincisi, onlar nə qədər işə yararlıdır.

• İnsanlar yanlış olduğumu mənə sübut edəndə xoşuma gəlir. Bu çox gözəldir! Mən haqsız olmaq istəmirəm. Buna görə məni səhv etməkdən uzaq tutan şəxslərə təşəkkür edirəm.

• “Oracle” şirkətinin əsasını qoyduqda mən yalnız sevə-sevə çalışa biləcəyim mühit yaratmaq istəyirdim.

• Həmişə üsyankar olmuşam.

• Müştərinin nə istədiyi barədə düşünmürəm. Bu barədə onun özündən soruşmağa üstünlük verirəm.

• Kompüter sənayesi moda sənayesi ilə müqayisədə dəblə ayaqlaşan yeganə sahədir.

• Mən qələbələrə alışmışam. Nə qədər çox qalibiyyət yaşayırsınızsa, bir o qədər də qalib gəlmək istəyirsiniz. • Məhsullarımız pis ola bilər, lakin nə qədər ki, onlar digərlərini üstələyir, biz qalib gələcəyik.

• Əgər mənə ikinci həyat verilsəydi, onu kompüterləşdirməyə deyil, genetik mühəndisliyə həsr edərdim.

• Mənə siz dəlisiniz deyəndə xoşuma gəlir. Pis odur ki, ünvanınıza dəliliklə bağlı deyilən sözlər eşitməyəsiniz.

• Əgər nömrə bir olmağa qadir deyilsənsə, o zaman bu biznesdə sənə yer yoxdur.

• Biz sürətli və ləng inkişaf arasında deyil, həyat və ölüm arasında seçim edirik.

• Mən hər dəqiqə biznes haqqında düşünürəm. Lakin o barədə həmişə danışmağa məcbur olduğumu düşünmürəm.

• Qalib gəlmək mənə azlıq edir. Ətrafımdakı hər şey məhv olmalıdır.

Emil Hüseynov

Baxış sayı: 776