NRYTN

Tarix:24/01/13

“İntellektual mülkiyyət bazarından innovativ inkişaf” mövzusunda V beynəlxalq forum keçiriləcək

3 aprel 2013-cü ildə Moskvada 2020-ci ilədək MDB ölkələri üzrə innovasiya inkişafının strategiyasının reallaşdırılması çərçivəsində növbəti "İntellektual mülkiyyət bazarından innovativ inkişaf" mövzusunda V beynəlxalq forum keçiriləcək.

"ICTnews" elektron xəbər xidmətinə bu barədə Azərbaycan Milli Elmlər Akademiyasının (AMEA) Elmi İnnovasiyalar Mərkəzindən məlumat verilib. Mərkəzdən bildirilib ki, forum BMT-nin təşəbbüsü ilə "İntellektual Mülkiyyətin Beynəlxalq Günləri" çərçivəsində həm Rusiya, həm MDB ölkələri üçün intellektual mülkiyyəti sahəsində əsas tədbir kimi keçiriləcək.

5-ci forumun proqramı müxtəlif mövzularda olan müzakirələr çərçivəsində plenar və 5 sessiyalı iclasdan ibarət olacaq. Rus dilində keçiriləcək forumda iştirak pulsuzdur. İntellektual mülkiyyətlə bağlı növbəti tədbir 21-23 fevral, 2013-cü il tarixində, Ukraynanın Kiyev şəhərində (Ünvan: "Rus" hoteli, Hospital küçəsi 4.) təşkil olunacaq.

"İntellektual mülkiyyətin aktual məsələləri" mövzusunda XX beynəlxalq elmi-praktiki konfransın təşkilatçıları Ukraynanın İntellektual Mülkiyyətin Dövlət Xidməti, İntellektual Mülkiyyətin Dünya Təşkilatı, "Sənaye Mülkiyyəti üzrə Ukrayna İnstitutu" dövlət müəssisəsidir:

"Konfransın proqramı alınmış məlumatlar əsasında yaranır və fevralda "www.sips.gov.ua", "www.uipv.org", "www.iii.ua" veb-saytlarında nəşr olunacaq. Konfrans (www.iii.ua) Ukrayna, rus və ingilis dillərində aparılacaq".

HƏQİQƏT

Baxış sayı: 1283