İNTERNET

Tarix:31/01/13

“ICT NEWS” "Win Phone 2" müsabiqəsinin informasiya dəstəkçisidir

“İCTnews” elektron xəbər xidməti Rabitə və İnformasiya Texnologiyaları Nazirliyinin rəsmi dəstəyi, ”Bakcell”in baş sponsorluğu, "Microsoft Azerbaijan", "Nokia" və "Mobitel"in sponsorluğu ilə keçirilən "Win Phone 2" müsabiqəsinin informasiya dəstəkçisidir.

Layihənin təşkilatçısı "İlk Addımlar" elektron tədris layihəsidir. 10 mart tarixinədək davam edəcək "Win Phone 2" müsabiqəsinə təqdim olunacaq mobil tətbiqetmələr "Windows 8" platformasında hazırlanmalıdır. Müsabiqədə iştirak etmək üçün 21-31 yanvar tarixləri arasında "www.hackathonazerbaijan.org" saytında qeydiyyatdan keçmək kifayətdir.

Qeydiyyatdan keçən şəxslərin iştirakı müvafiq seçim əsasında müəyyənləşəcək. Fevralın 3-də isə müsabiqədə iştirak hüququ qazananlar üçün ilk təlim təşkil ediləcək. Qaliblər qiymətli hədiyyələrlə təltif olunacaq.

Qeyd edək ki, bu, "Bakcell"in baş sponsoru olduğu ikinci belə layihədir. Şirkət eyni zamanda mobil tətbiqetmələrin inkişafına yönələn daha bir layihənin – "Mobile Monday" layihəsinin tərəfdaşıdır. "Hackathon" haker neologiyası - yəni proqramçıların birləşərək müxtəlif problemləri həll etdikləri, layihələr hazırladıqları və yarışdıqları tədbirlər silsiləsidir. Onun əsas mahiyyəti keçirildiyi müddət ərzində müxtəlif proqramların və alətlərin yaradılması, bununla da proqramçı və hakerlərin öz aralarında rəqabət şəraitində biliklərini yoxlamaq və yeni biliklər qazanmaqdır.

RƏVAN

Baxış sayı: 784