İKT

Tarix:01/02/13

“Dropbox” “bulud” xidmətində fayllara ön baxış mümkün olacaq

"Dropbox" "bulud" xidmətində tətbiq ediləcək iki yeni funksiya faylı yükləmədən onun tərkibinə əvvəlcədən baxmağa imkan yaradacaq.

İstifadəçilər birinci funksiya sayəsində "RTF", "PDF", "Microsoft Word (Doc və Docx)" və "PowerPoint" fayllarını "Dropbox" proqramının daxilində aça biləcəklər.

Daha sonra "Excel" formatı da dəstəklənəcək. "ICTnews.az" elektron xəbər xidməti "vesti.ru" saytına istinadən bildirir ki, ikinci funksiya bütün fotoları (onlar müxtəlif qovluqlarda yerləşsə belə) göstərəcək və onları xronoloji sıra üzrə yerləşdirəcək.

İstifadəçilər bir neçə foto seçərək onlardan albom yarada və onu "Facebook", "Twitter"də paylaşa biləcəklər. Hər iki yeni funksiya bir neçə ay ərzində tətbiq ediləcək.

Emil Hüseynov

Baxış sayı: 801