İNTERNET

Tarix:05/02/13

25 dollarlıq kompüterlərin satışına start verilib

Avropada “Raspberry Pi” kompüterinin kiçik modeli satışa çıxarılıb. Kompüterin qiyməti 25 dollardır. Xatırladaq ki, “Raspberry Pi” kompüteri korpussuz tədarük olunur və kredit kartı ölçüsü boydadır.

Platanın çəkisi 45 qramdır. Kompüter “ARM” arxitekturasında işləyən 700 MHs takt tezlikli prosessor, yaddaş kartları üçün slot və qulaqlıqlar üçün konnektorla təchiz olunub. “ICTnews.az” elektron xəbər xidməti “lenta.ru” saytına istinadən bildirir ki, “Raspberry Pi” kompüterinin böyük modeli 2012-ci il fevralın sonunda satışa çıxarılıb.

Onun qiyməti 35 dollardır. “Raspberry Pi” layihəsinin təşəbbüskarı Britaniyanın “Raspberry Pi Foundation” xeyriyyəçilik fondudur. 2012-ci ilin fevralından etibarən 1 milyondan çox qurğu satılıb.

Emil Hüseynov

Baxış sayı: 912