İNTERNET

Tarix:05/02/13

“İKT ili”ndə beynəlxalq internet layihələrinə başlanılır

2013-cü ilin "İnformasiya-kommunikasiya texnologiyaları ili" elan edilməsi ilə əlaqədar Xəzər-Avropa İnteqrasiya İşgüzar Klubu və "Caspian Energy International Media Group" (CEIBC) beynəlxalq internet layihələrinin reallaşdırılmasına başlayır. "İCTnews" elektron xəbər xidmətinə bu barədə Xəzər-Avropa İnteqrasiya İşgüzar Klubundan məlumat verilib.

CEIBC-dən qeyd edilib ki, bu məqsədlə bir sıra biznes, əyləncə və xəbər saytlarının yaradılması planlaşdırılır: "Klubun ilk beynəlxalq layihələri olan "www.firstclass.az" və "www.caspianenergy.info" saytlarının təqdimatı fevralın 6-da keçiriləcək. "First Class Journal" (www.firstclass.az ) – beynəlxalq onlayn layihə Xəzər-Avropa İnteqrasiya İşgüzar Klubunun üzvü olan şirkət rəhbərlərinin, Avropa İttifaqının fövqəladə və səlahiyyətli səfirlərinin, deputatların və s. rəhbər şəxslərin eksklüziv müsahibələrinin nəşri üçün nəzərdə tutulub. "www.firstclass.az" layihəsi Xəzər-Qara dəniz regionu və Avropa İttifaqında biznesmenlər və diplomatik təmsilçilərin fəaliyyəti, həyata keçirdikləri layihələr barədə məlumatlandırma işini üzərinə götürür.

Hazırda "www.caspianenergy.info" saytında diplomatik təmsilçilər, dövlət strukturları, kommersiya şirkətlərinin rəhbərləri və s. haqda məlumatlar yerləşdirilir. Əgər məlumatlar köhnələrsə, hər bir şirkət özü ilə bağlı məlumatları saytda yeniləyə, həmçinin müstəqil olaraq, saytda özü ilə bağlı informasiyaların yerləşdirilməsini təmin edə bilər.

Sözügedən layihələrin təşəbbüskarları hesab edirlər ki, beynəlxalq onlayn layihələr yeni biznes imkanlarının yaradılmasına və genişlənməsinə imkan verəcək.

HƏQİQƏT

Baxış sayı: 1142