İNTERNET

Tarix:18/02/13

Sergey Brin və Larri Peycin biznes qaydaları

Heç şübhəsiz ki, bu gün ən qlobal məsələlərdən tutmuş primitiv nəsnələrə qədər məlumat əldə etmək istəsək müraciət etdiyimiz ən aktual obyekt "Google" internet axtarış sistemidir. Nahaq yerə demirlər ki, "Google" insanları ilk kəlmədən "anlayır". Təbii ki, belə "ağıllı" sitemi yaradıb və inkişaf etdirərək bugünki səviyəyə çatdıran insanlar var. Bəli, bu şirkətin ağıllı yaradıcıları Sergey Brin və Larri Peycdir. Çoxlarına belə nəhəng şirkəti yaradanların biznes formulları maraqlıdır. Elə isə başlayaq;

• Qaydaların sayı çoxaldıqca, innovasiyalar yoxa çıxır.

• Böyük problemləri həll etmək daha asandır.

• Xoşbəxtliyi pulla almaq mümkün deyil. Belə deyirlər. Lakin həmişə qəlbimin dərinliyində kök salmış fikrə əsasən, böyük miqdarda pul hər halda xoşbəxtlik gətirə bilər. Əslində isə belə deyil.

• Təcrübə üstünlükdür, lakin bəzən mane də ola bilər.

• Biz "Google"-un beyninizin üçüncü hissəsinə çevrilməsini istəyirik.

• İnternet hər bir kəs üçün açıq olduğuna görə bu qədər inkişaf edib, onun fəaliyyətinə nəzarət edən şirkət mövcud deyildi.

• Bir çoxları məni sadəlövh hesab edir... Lakin mən optimist olmasaydım, o zaman 1998-ci ildə axtarış sistemini yarada bilməzdim.

• "Google" kimi şirkəti idarə etmək həmişə böyük stress altında olmaq deməkdir. Buna görə idmanla məşğul oluram.

• Mühüm nəsə hazırlamaq üçün uğursuzluq qorxusuna qalib gəlmək lazımdır.

• Rəqiblərimizin "məhv" olduğumuzu düşünmələri planlarımızdan xəbər tutmalarından daha yaxşıdır.

• Şirkətin heyəti 10-dan 100-dək artdıqda bütün əməkdaşların adını yadda saxlamaq mümkün deyil. Bundan sonra arxayın şəkildə heyətin sayını artırmaq olar.

• Əgər işimizin əsasını pul təşkil etsəydi, o zaman çoxdan şirkəti sataraq çimərlikdə istirahət edərdik.

• Şirkətlər məhkəmə iddiaları və ya rəqabətə görə deyil, yanlış fəaliyyət istiqaməti ilə məşğul olduqlarına görə iflasa uğrayır.

Emil Hüseynov

Baxış sayı: 714