NRYTN

Tarix:22/02/13

Regionlarda rəqəmsal TV-nin kommersiya yayımına başlanılıb

Ölkənin qərb bölgəsində rəqəmsal televiziyanın kommersiya yayımı genişlənib. Bu barədə "İCTnews.az" elektron xəbər xidmətinə məlumatı GRTF-nın texniki şöbənin rəisi Vüqar Hüseynov məlumat verib. O, yayım keyfiyyətinin daha yaxşı olması üçün Gəncə Radio Televiziya Yayım Filialı tərəfindən (GRTF) ölkənin qərb bölgəsində rəqəmli televiziya yayımının daha keyfiyyətli olması üçün yeni avadanlıqlar qurulduğunu bildirdi.

Kommersiya yayımının həyata keçirilməsi nəticəsində, Gəncə şəhərinin və ətraf ərazilərin əhalisi Azərbaycan, Avropa, Rusiya, Türkiyə və digər ölkələrin uşaqlar və böyüklər üçün nəzərdə tutulmuş 54 ədəd bir-birindən maraqlı və rəngarəng televiziya proqramını izləmək imkanı əldə ediblər. 2013-cü ilin sonunadək rəqəmli TV yayımın əhatə dairəsini genişləndirmək məqsədi ilə TRİB-də tədbirlər görülür.

V.Hüseynovun sözlərinə görə, RİTN "Teleradio" İB-nin göstərişi və bilavasitə rəhbərliyi ilə GRYF xidmət göstərdiyi ərazilərdə rəqəmli sosial paketin yayımını təmin etmək məqsədi ilə 10 ədəd rəqəmli TV vericiləri quraşdırılaraq istifadəyə verilib.

Bu məqsədlə, Gəncə RTYS-də 1.2 kVt-lıq 57 TVK-da işləyən "Vigintos Elektronika" tipli, Ağstafa rayonu Poylu RTYS-də 1.2 kVt-lıq 50 TVK-da işləyən Kvant-Efir tipli, Mingəçevir RTS-də 0.6 kVt-lıq 43 TVK-da işləyən Kvant-Efir tipli, Tərtər RTS-də 0.3 kVt-lıq 52 TVK-da işləyən Kvant-Efir tipli, Göyçay RTS-də 0.3 kVt-lıq 47 TVK-da işləyən "Vigintos" tipli, Gədəbəy RTS-də 0.3 kVt-lıq 50 TVK-da işləyən Kvant-Efir tipli, Gədəbəy rayonu Gər-Gər RTS-də 0.6 kVt-lıq 33 TVK-da işləyən Kvant-Efir tipli, Daşkəsən RTS-də 0.6 kVt-lıq 58TVK-da işləyən "Vigintos Elektronika" tipli, Tovuz RTS-də 0.3 kVt-lıq 58TVK-da işləyən "Vigintos Elektronika" tipli, Tovuz rayonu Kiran RTS-də 0.6 kVt-lıq 31 TVK-da işləyən "Vigintos Elektronika" tipli rəqəmli TV vericiləri quraşdırılıb.

Yuxarıda qeyd olunanlardan əlavə "Teleradio" İstehsalat Birliyi respublika ərazisində ilk dəfə Gəncə şəhərində çoxproqramlı rəqəmli televiziya proqramlarının kommersiya yayımına başlayıb. Qeyd olunub ki, yayıma başlamaq üçün filialda "Vigintos Elektronika" şirkətindən alınmış hər biri 1.2 kV tlıq olan 4 ədəd 26, 36, 42, 50 TVK-da işləyən DVB-T verici, digər lazımi texniki avadanlıqlar quraşdırılıb, həmçinin avadanlıqların idarə olunması məqsədi ilə proqram təminatı yaradılıb.

RƏVAN

Baxış sayı: 1011