İNTERNET

Tarix:22/02/13

“Facebook” köhnə fotolarını harada saxlayacaq?

“Facebook” sosial şəbəkəsinin nümayəndələri “The Oregonian” nəşrinə verdikləri müsahibədə bildiriblər ki, Oreqon ştatının Prinvill şəhərində “Facebook”un yeni məlumat mərkəzi (datacenter) tikilir.

Şirkət burada ən qənaətcil xidmətlərini yerləşdirməyi planlaşdırır, lakin məlumatları saxlama sistemi heyrətləndiricidir: məlumat mərkəzində yerləşəcək bir neçə server zalının hər birində quraşdırılmış ümumi disklərin həcmi 1 ekzabaytı ötəcək.

“ICTnews.az” elektron xəbər xidməti “cybersecurity.ru” saytına istinadən bildirir ki, Prinvill şəhərində inşa edilməkdə olan yeni məlumat mərkəzində sorğu intensivliyi ilə seçilməyən məlumatlar saxlanılacaq. “Facebook” nümayəndələrinin sözlərinə görə, hazırda “Facebook” şəbəkəsində trafikin 82%-i yalnız məzmunun 8%-i hesabına yaranır, məzmunun 92% isə şəbəkədə yerləşir və yalnız vaxtaşırı istifadə edilir.

Emil Hüseynov

Baxış sayı: 777