12px13px15px17px
Tarix:02/03/13

Əfqanlar Azərbaycan gömrük xidmətində İKT-nin tətbiqi ilə bağlı görülən işlər haqda məlumatlandırılıblar

Dövlət Gömrük Komitəsinin (DGK) sədri, gömrük xidməti general-leytenantı Aydın Əliyevin rəhbərliyi ilə nümayəndə heyətinin Əfqanıstan İslam Respublikasına rəsmi səfəri başa çatıb.

Komitədən bildirilib ki, Kabul şəhərində DGK rəhbərliyinin Əfqanıstan maliyyə nazirinin müavini Mubin Şah və Gömrük Xidmətinin baş direktoru Bismillah Kammavi ilə görüşü zamanı A.Əliyev 1999-cu ildən icrasına başlanılan BMT İP ilə Azərbaycan Hökuməti arasında “Azərbaycan Respublikası Dövlət Gömrük Komitəsinin Potensialının Gücləndirilməsi və Məlumatların Ötürülməsi Şəbəkəsinin Yaradılması” layihəsindən söz açıb.

DGK sədri bu layihənin avtomatlaşdırılmış idarəetmə sisteminin yaradılması sahəsində gömrük xidmətinin inkişafına olduqca müsbət təsirindən danışıb, Azərbaycan gömrük xidmətinin informasiya-kommunikasiya texnologiyalarının tətbiqi ilə bağlı həyata keçirdiyi işlərin real nəticələrlə müşahidə olunduğunu bildirib.

Sonra görüşdə DGK Statistika və İnformasiya Texnologiyaları Baş İdarəsinin rəisi İqbal Babayev Azərbaycan Respublikası dövlət sərhədinin buraxılış məntəqələrindən keçirilən malların və nəqliyyat vasitələrinin yoxlanılmasında “bir pəncərə” prinsipinin tətbiqi ilə bağlı geniş təqdimatla çıxış edib.

DGK Əfqanıstan Gömrük Xidmətinə hədiyyə olaraq, gömrük sahəsində aid nəşrlərlə yanaşı, 12 ədəd kompüter dəsti də təqdim edib.

HƏQİQƏT



Baxış sayı: 701

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024