İNTERNET

Tarix:05/03/13

Milli Olimpiya Komitəsi sosial şəbəkələrdə aktiv fəaliyyət göstərir

Milli Olimpiya Komitəsi sosial mediada həyata keçirilən fəaliyyətinə böyük diqqət ayırır. Bütün dünyada yüksək reytinqə malik olan Facebook və Twitter sosial şəbəkələrində məlumatlandırma aparan Milli Olimpiya Komitəsinin bir müddət öncə Instagram səhifəsi də fəaliyyətə başlayıb.

Bundan əlavə MOK-un yenilənmiş rəsmi saytı da yaxın zamanda istifadəçilərin öhdəsinə veriləcək. Milli Olimpiya Komitəsi tərəfindən keçmişdə qazanılan uğurlar, cari layihələr və gələcəkdə atılacaq addımlar, o cümlədən də Olimpiya Hərəkatının inkişafına dair ən son məlumatlar mütəmadi olaraq MOK-un rəsmi səhifələrində yerləşdirilir.

Azərbaycanda Olimpiya Hərəkatının son yenilikləri haqqında MOK-un rəsmi Facebook (www.facebook.com/nocazerbaijan), Twitter (www.twitter.com/NOCAzerbaijan) və Instagram (www.instagram.com/nocazerbaijan) səhifələrindən məlumatlana bilərsiniz.

SEYMUR

Baxış sayı: 972