İNTERNET

Tarix:06/03/13

TQDK iş nömrəsini və şifri unutmuş bakalavrlar üçün yeni imkan yaradıb

Tələbə Qəbulu üzrə Dövlət Komissiyası (TQDK) İş nömrəsini və şifri (seriya nömrəsini və Pin kodu) unutmuş bakalavrlar üçün yeni imkan yaradıb. Komissiyadan bildirilib ki, "Azercell", "Bakcell" və ya "Nar Mobile" mobil rabitə operatorları vasitəsilə 7725 və 7735 nömrələrindən "Elektron ərizə vermək üçün odəmə kartı" və ya "Sınaq imtahanına yazılmaq üçün ödəmə kartı" əldə edib iş nömrəsini və şifri (seriya nömrəsini və Pin kodu) unutmuş şəxslər unutduqları məlumatları təkrar olaraq telefonlarına ala bilərlər.

"Elektron ərizə vermək üçün ödəmə kartı"nın məlumatları barədə mesaj almaq üçün ödəmə kartını alarkən istifadə edilən telefon nömrəsindən 7745 nömrəsinə qısa mesajla 2, "Sınaq imtahanına yazılmaq üçün ödəmə kartı"nın məlumatları barədə mesaj almaq üçün isə ödəmə kartını alarkən istifadə edilən telefon nömrəsindən 7745 nömrəsinə qısa mesajla 3 rəqəmini göndərmək lazımdır.

Nəticədə abunəçinin nömrəsinə həmin nömrədən əldə edilmiş son üç virtual ödəmə kartı barədə məlumat göndərilir. Xidmət haqqı 0,10 AZN təşkil edir. ƏDV daxildir.

HƏQİQƏT

Baxış sayı: 854