12px13px15px17px
Tarix:12/03/13

Azərbaycanda yaxın zamanda “*.az” domen zonasında onlayn qeydiyyat sistemi istifadəyə veriləcək

Azərbaycanda yaxın zamanda "*.az" domen zonasında onlayn qeydiyyat və nağdsız ödəniş sistemi istifadəyə veriləcək.

İnformasiya təhlükəsizliyi mərkəzinin rəhbəri və "*.az" domeni administratoru Faiq Fərmanovun "ICTnews"-a verdiyi məlumata əsasən, hazırda bu sistemin infrastrukturunun yaradılması üzrə işlər başa çatıb. "Bu xidmətlərin təqdim olunması üçün lazım olan keyfiyyətli və dayanıqlı platformanın yaradılması vaxt tələb edir.
Biz 2011-ci ildən etibarən bu istiqamətdə iş aparırıq və bu iş təkcə platformu yaratmaqla bitmir.
Eyni zamanda, biz onlayn rejimdə domenlərin qeydiyyatı və onların ödənişi prosesinin, həmçinin DNS ünvanların dəyişdirilməsinin tam qarşılıqlı işini təmin etmək üçün öz sistemimizi domen qeydiyyatçısı olan şirkətlərin sistemləri ilə inteqrasiya etməliyik",- deyə F. Fərmanov bildirib.

F. Fərmanovun sözlərinə əsasən, martın sonuna qədər domenlərin onlayn qeydiyyatı və ödənişi sistemi artıq istifadəyə verilə bilər. "Yeni sistemin tətbiqi, potensial istifadəçilərə domen qeydiyyatçısının saytından, ətraflı izahatla, hətta təcrübəsiz istifadəçilərə elektron formanı doldurmağa imkan yaradacaq. Bununla yanaşı, biz şəxsi domeni idarə etmək üçün nəzarət paneli təqdim edəcəyik və paralel olaraq mövcud istifadəçilər öz domenlərini müstəqil şəkildə, tələb olunan parolu və loqini istifadə edərək yeni sistemə keçirəcəklərə".

Hazırda domen administratorunun "www.whois.az" rəsmi saytında, "*.az" domeninin qeydiyyatı ilə bağlı müraciətləri operativ cavablandırmaq məqsədi ilə "info@domain.az" elektron poçt ünvanı fəaliyyət göstərir. 

AYNUR



Baxış sayı: 770

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024