12px13px15px17px
Tarix:12/03/13

“Azercell” 3 yeni kampaniyasını elan etdi

Bu gün "Azercell" şirkəti "Bahar", "Limitsiz internet" və "Azərbaycan Respublikasının ərazi bütövlüyü uğrunda döyüşlərdə iştirak etmiş şəxslər üçün xüsusi kampaniya" aksiyalarına start verib. Kampaniyalar çərşənbə axşamı keçirilmiş mətbuat konfransında ictimaiyyətə elan olunub.

"Bahar" kampaniyası çərçivəsində "Samsung" telefonlarının müəyyən modellərini 1 manat ödəməklə əldə edən abunəçilərə hər ay telefon modelindən asılı olaraq 25, 50, 55 və 60 manat ödəməklə 18 ay ərzində müvafiq olaraq ölkədaxili 200 dəqiqəyədək danışıq, 200-dək pulsuz SMS və 2GB həcminədək internet hədiyyə olunacaq.

"Limitsiz internet" kampaniyasının şərtlərinə görə isə abunəçilər 10 faktura dövrü ərzində cəmi 9 manat ödəməklə 4GB həcmli mobil internet paketindən istifadə edə biləcəklər.

Modem müştəriyə pulsuz veriləcək. "Azərbaycan Respublikasının ərazi bütövlüyü uğrunda döyüşlərdə iştirak etmiş şəxslər üçün xüsusi kampaniya"nın şərtlərinə görə, Qarabağ müharibəsi veteranları öz adına olan bir nömrənin balansına yüklədikləri hər məbləğə görə əlavə eyni həcmdə bonus əldə edəcək.

RƏVAN



Baxış sayı: 1044

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024