Tarix:13/03/13
Rabitə və İnformasiya Texnologiyaları Nazirliyində (RİTN) Cənubi Koreyanın «LS Cable & System» şirkətinin nümayəndələri ilə görüş keçirilib. Görüşdə RİTN-in şöbə müdirləri, «Aztelekom», «Baktelekom» İstehsalat birliklərinin nümayəndələri iştirak edib.
«LS Cable & System»in marketinq şöbəsinin müdiri Jon Jeong təmsil etdiyi şirkət haqqında məlumat verərək bildirib ki, onlar əsasən telekommunikasiyada və eləcə də elektrik enerjisinin təchizatında istifadə olunan kabellər istehsal edirlər. Onun sözlərinə görə, şirkətdə 40-a yaxın şöbə fəaliyyət göstərir və olduqca çox böyük çeşiddə məhsul satışa çıxarır. Dünyanın 26 ölkəsində 36 zavodlarının olduğunu önə çəkən qonaq fiber-optik və müxtəlif növ kabellərin həm istehsalı, həm onların keyfiyyəti üzrə beynəlxalq bazarda birinci yerdə durduqlarını söyləyib:
«Biz təkcə kabel istehsal etmirik. Eyni zamanda internetin evlərə qədər ötürülməsi üçün həm layihələndirmə, həm də tikinti işlərini həyata keçiririk. Bildirim ki, hər evin yerləşmə mövqeyinə və hətta mənzillərin sayına görə ilk öncə elektron xəritə hazırlayırıq, bundan sonra layihələndirmə işləri aparılır». Azərbaycanda da telekommunikasiya sahəsində çox böyük layihələr həyata keçirildiyindən xəbərdar olduğunu vurğulayan Jon Jeong bildirib ki, bütün ölkə üzrə aparılan optik kabelləşmə işlərində yaxından iştirak etmək niyyətində olduqlarını söyləyib. «Bizim istehsal etdiyimiz avadanlıqların bir üstün cəhəti də var ki, onların tutumunu hər zaman artırmaq mümkündür».
RİTN-in Dövlət müəssisələrinin fəaliyyətini əlaqələndirmə şöbəsinin müdiri Mir-Heydər İsmayılov da öz növbəsində bildirib ki, hazırda bütün Azərbaycan üzrə fiber-optik kabel çəkilişi həyata keçirilir. Şöbə müdiri qeyd edib ki, bunun üçün RİTN-lə Dövlət Neft Fondu müştərək layihə reallaşdırır.
Qonaq tərəfindən verilən təkliflərə baxılacağını qeyd edən Mir-Heydər İsmayılov şirkət rəsmilərinə onların regionda zavodlarının olmamasını əsas gətirərək Azərbaycanda yaradılan texnoparkda müəssisə tikmələrini təklif edib. Öz növbəsində Jon Jeong bunun çox gözəl təklif olduğunu, Azərbaycanın coğrafi mövqeyini və burada olan böyük bazarın mövcudluğunu nəzərə alaraq təklifə baxılacağını söyləyib.
SEYMUR
Koreya şirkəti Azərbaycanın bütün ərazisinin optikləşməsi üzrə aparılan işlərdə iştirak etmək istəyir
Rabitə və İnformasiya Texnologiyaları Nazirliyində (RİTN) Cənubi Koreyanın «LS Cable & System» şirkətinin nümayəndələri ilə görüş keçirilib. Görüşdə RİTN-in şöbə müdirləri, «Aztelekom», «Baktelekom» İstehsalat birliklərinin nümayəndələri iştirak edib.«LS Cable & System»in marketinq şöbəsinin müdiri Jon Jeong təmsil etdiyi şirkət haqqında məlumat verərək bildirib ki, onlar əsasən telekommunikasiyada və eləcə də elektrik enerjisinin təchizatında istifadə olunan kabellər istehsal edirlər. Onun sözlərinə görə, şirkətdə 40-a yaxın şöbə fəaliyyət göstərir və olduqca çox böyük çeşiddə məhsul satışa çıxarır. Dünyanın 26 ölkəsində 36 zavodlarının olduğunu önə çəkən qonaq fiber-optik və müxtəlif növ kabellərin həm istehsalı, həm onların keyfiyyəti üzrə beynəlxalq bazarda birinci yerdə durduqlarını söyləyib:
«Biz təkcə kabel istehsal etmirik. Eyni zamanda internetin evlərə qədər ötürülməsi üçün həm layihələndirmə, həm də tikinti işlərini həyata keçiririk. Bildirim ki, hər evin yerləşmə mövqeyinə və hətta mənzillərin sayına görə ilk öncə elektron xəritə hazırlayırıq, bundan sonra layihələndirmə işləri aparılır». Azərbaycanda da telekommunikasiya sahəsində çox böyük layihələr həyata keçirildiyindən xəbərdar olduğunu vurğulayan Jon Jeong bildirib ki, bütün ölkə üzrə aparılan optik kabelləşmə işlərində yaxından iştirak etmək niyyətində olduqlarını söyləyib. «Bizim istehsal etdiyimiz avadanlıqların bir üstün cəhəti də var ki, onların tutumunu hər zaman artırmaq mümkündür».
RİTN-in Dövlət müəssisələrinin fəaliyyətini əlaqələndirmə şöbəsinin müdiri Mir-Heydər İsmayılov da öz növbəsində bildirib ki, hazırda bütün Azərbaycan üzrə fiber-optik kabel çəkilişi həyata keçirilir. Şöbə müdiri qeyd edib ki, bunun üçün RİTN-lə Dövlət Neft Fondu müştərək layihə reallaşdırır.
Qonaq tərəfindən verilən təkliflərə baxılacağını qeyd edən Mir-Heydər İsmayılov şirkət rəsmilərinə onların regionda zavodlarının olmamasını əsas gətirərək Azərbaycanda yaradılan texnoparkda müəssisə tikmələrini təklif edib. Öz növbəsində Jon Jeong bunun çox gözəl təklif olduğunu, Azərbaycanın coğrafi mövqeyini və burada olan böyük bazarın mövcudluğunu nəzərə alaraq təklifə baxılacağını söyləyib.
SEYMUR
Baxış sayı: 996
© İstifadə edilərkən İctnews-a istinad olunmalıdır
Oxşar xəbərlər
- Azərbaycanda telefon şəbəkəsinin tam elektronlaşdırılması vaxt hesabı ilə edilən ödəniş sisteminin tətbiqini tezləşdirə bilər
- Ermənilərin peykimiz haqda iddiaları əsassızdır
- Azərbaycan Respublikası Prezidentinin Fərmanı
- RİTN-də dövlət orqanlarının elektron xidmətlər göstərməsi müzakirə olunub
- “Microsoft” şirkəti ilə saziş imzalanıb
- Bakıda yeni universal taksofonlar qurulacaq
- “AzDataKom” şəbəkəsinin qurulması başa çatmaq üzrədir
- Qediyyatdan keçməyən radioelektron vasitələr
- Milli radiomonitorinq şəbəkəsi yaradılır
- Simsiz telefon Naxçıvanın 80%-dən çox ərazisini əhatə edir
- ABŞ-ın Dövlət katibinin köməkçisi “BakuTel” sərgisində iştirak edəcək
- Rabitə üzrə Qara Dəniz və Xəzər Tənzimləyici Konfransı başa çatdı
- “Amerika və Azərbaycan üçün biznes imkanları”
- Azərbaycan kibercinayətkarlıq üzrə beynəlxalq konfransda təmsil olunub
- Bakının elektronlaşdırılması başa çatdı
