12px13px15px17px
Tarix:16/03/13

İT sahəsinin ən yaxşı baş direktoru kimdir?

"Facebook" sosial şəbəkəsinin banisi və baş direktoru Mark Zukerberq nüfuzlu "Glassdoor.com" saytı tərəfindən şirkətin keçmiş və cari əməkdaşlarının rəyi əsasında tərtib edilmiş 2013-cü ilin 50 ən yaxşı baş direktorları reytinqində birinci olub.

"ICTnews.az" elektron xəbər xidməti "ria.ru" saytına istinadən bildirir ki, "Facebook" üçün çətin il olmasına baxmayaraq, Zukerberqin əməkdaşlar tərəfindən bəyənilmə reytinqi 99% olub ki, bu da ötən illə müqayisədə 14 bənd çoxdur. "Glassdoor.com" saytına yazılmış şərhlərdə şirkətin əməkdaşları Zukerberqin yeni ideyalara qarşı açıq olmasını və kollektivə yüksək inamını qeyd ediblər.

2013-cü ilin ən yaxşı baş direktorları reytinqində ikinci yerdə müvafiq olaraq "SAP" proqram şirkətinin rəhbərləri Bill MakDermot və Cim Xeyqman qərarlaşıblar. "Apple"ın baş direktoru Tim Kuk 18-ci olub. Xatırladaq ki, o, ötən il birinci olmuşdu.

Emil Hüseynov



Baxış sayı: 1388

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024