12px13px15px17px
Tarix:19/03/13

MHM informasiya təhlükəsizliyi üzrə beynəlxalq sertifikat almağa hazırlaşır

Azərbaycan Rabitə və İnformasiya Texnologiyaları Nazirliyinin Məlumat Hesablama Mərkəzi (MHM) “ISO 27001” informasiya təhlükəsizliyi beynəlxalq standartı üzrə sertifikat almaq üçün hazırlıq işlərini başa çatdırır.

MHM-in direktoru Nail Mərdanovun “ICTnews” elektron xəbər xidmətinə verdiyi məlumata əsasən, hazırda mərkəzdə beynəlxalq təhlükəsizlik standartına uyğunluq üzrə daxili audit keçirilir. “Aprel ayında bu istiqamətdə işlər başa çatmalıdır.

Audit uğurla keçirildiyi halda, 2-3 ay müddətində biz bu standartlara uyğun fəaliyyət göstərdikdən sonra, beynəlxalq auditor şirkəti mərkəzdə təkrar audit aparacaq.

Bu gün bizim artıq keyfiyyət menecmentinin idarəetməsi üzrə beynəlxalq sertifikatımız var, bu audit isə bizə məlumat təhlükəsizliyi üzrə sertifikat almağa imkan verəcək.

Beləliklə, bizim göstərdiyimiz bütün xidmətlərin keyfiyyət sertifikatı olacaq», - deyə o bildirib.

Bununla yanaşı, MHM mobil qurğular və planşetlər üçün xüsusi proqramların tərtib edilməsi üzrə işlər aparır. «Artıq bizim saytımızda elektron formanı doldurmaqla mobil imzadan istifadə etmək üçün unikal kod almaqla autentifikasiyadan və identifikasiyadan keçmək mümkündür .

Növbəti mərhələdə saytımızda mobil qurğular və planşetlərdə mobil imzadan istifadə etmək üçün nəzərdə tutulmuş əlavə proqramlar yükləmək mümkün olacaq», - N. Mərdanov bildirib.

Aynur Vəliyeva



Baxış sayı: 964

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024