İKT

Tarix:04/04/13

Azərbaycanda ev üçün nəzərdə tutulmuş səs sistemlərinin satışı üzrə “showroom”u açılacaq

Azərbaycanda "Harman" şirkətinin ev üçün nəzərdə tutulmuş səs sistemlərinin satışı üzrə "showroom"u açılacaq. "Professional Audio Visual Systems" (ProAV) şirkətinin baş direktoru Elşən Əliyevin "ICTnews" xəbər xidmətinə verdiyi məlumata əsasən, şirkət artıq üç aydır ki fəaliyyət göstərir və «Harman» şirkətinin Azərbaycanda rəsmi distribüteridir.

"Biz təhlükəsizlik və səs sistemləri bazarında uzun müddətdir ki işləyirik, lakin son dövrlərdə səs sistemlərinin təchizatına ayrıca diqqət yetirilməsinə ehtiyac yarandığından bu şirkətin yaradılmasına qərar vermişik. Bu sahədə bizim "Harman" sistemini seçməyimiz də təsadüfi deyil, çünki bu şirkət bir istehsalçı tərəfindən tam sistem təqdim edilir.

Yaxın bir-iki ay ərzində biz "Harman"ın peşəkar avadanlıqlarının yerli bazara axınını təşkil edəcəyik. Ev üçün nəzərdə tutulmuş səs avadanlıqlarının satışına isə biz bu ilin avqust-sentyabr aylarında "showroom" yaratmaq niyyətindəyik ", - deyə o bildirdi.

E. Əliyevin sözlərinə əsasən, "Harman" şirkətinin peşəkar avadanlığı da, ev üçün nəzərdə tutulmuş səs sistemləri də eyni seqmentdə fəaliyyət göstərən digər dünya şirkətləri ilə rəqabət edə biləcək səviyyədədir.

Aynur Vəliyeva

Baxış sayı: 734