İNTERNET

Tarix:10/04/13

TQDK məhdud fiziki imkanlı insanlar üçün internet saytında xüsusi səhifə yaradıb

Tələbə Qəbulu üzrə Dövlət Komissiyası (TQDK) əvvəlki illərdə olduğu kimi, cari ildə də sınaq və qəbul imtahanlarında iştirak etmək istəyən məhdud fiziki imkanlı insanlar üçün imtahan zamanı zəruri şərait yaradacaq. Bunun üçün xüsusi kateqoriyaya aid olan bu insanlar müvafiq təsdiqedici sənədləri TQDK-ya və ya Sənəd qəbulu komissiyalarına təqdim etməli və qeydiyyatdan keçməlidirlər.

Əvvəlki illərdən fərqli olaraq məhdud fiziki imkanlı insanlar TQDK-ya və ya Sənəd qəbulu komissiyalarına şəxsən müraciət etmədən də qeydiyyatdan keçə bilərlər.

Belə ki, qeydiyyatın aparılması üçün TQDK-nın internet saytında xüsusi səhifə ( www. tqdk.gov.az/mfii) açılıb. Komissiyadan bildirilib ki, iştirak edəcəyi imtahanların növündən və sayından asılı olmayaraq bu şəxslərin cəmi bir dəfə qeydiyyatdan keçmələri kifayətdir:

"Qeydiyyatdan keçmək üçün şəxsiyyət vəsiqəsinin nömrəsini və Pin kodunu, tələb olunan digər məlumatları elektron formanın müvafiq sahələrinə daxil etmək və fiziki imkanın məhdud olmasını təsdiq edən sənədin skan edilmiş surətini (jpeg faylını) elektron formaya qoşmaq lazımdır".

HƏQİQƏT

Baxış sayı: 815