İKT

Tarix:13/04/13

Özəl sektorun nümayəndələri DGK sədrinin elektron ünvanına problem və təkliflərini göndərə bilərlər

Dövlət Gömrük Komitəsinin (DGK) sədri hər gün dövlət DGK-nin rəsmi saytından öz elektron poçtunu yoxlayır və özəl sektorun nümayəndələri bilavasitə ona öz problemləri və təklifləri ilə müraciət edə bilərlər.

"ICTnews" elektron xəbər xidmətinin məlumatına görə, bu barədə DGK sədri, gömrük xidməti general-leytenantı Aydın Əliyev Xəzər-Avropa İnteqrasiya İşgüzar Klubunda (XAİİK) XAİİK üzvü olan şirkətlərlə keçirilən görüşündə bildirib. "Azərbaycan Respublikası gömrük sisteminin 2007-2011-ci illərdə inkişafına dair Dövlət Proqramı"ndan da söz açan A.Əliyev informasiya texnologiyalarının tətbiqi və elektron gömrüyün inkişafı və digər məsələlər barədə də görüş iştirakçılarına ətraflı məlumat verib.

Sədrin sözlərinə görə, prezidentin müvafiq fərmanına əsasən, ölkənin gömrük sərhəd-buraxılış məntəqələrindən keçirilən malların və nəqliyyat vasitələrinin yoxlanılmasında 2009-cu ildən etibarən "bir pəncərə" prinsipinin tətbiq olunması və bu məsələ üzrə vahid dövlət orqanı səlahiyyətlərinin Dövlət Gömrük Komitəsinə həvalə edilməsi gömrük xidmətinin təkmilləşdirilməsində və idxal-ixrac əməliyyatlarının sənədləşdirilməsi zamanı vaxt itkisinin minimuma endirilməsində müsbət rol oynayıb.

HƏQİQƏT

Baxış sayı: 624