İNTERNET

Tarix:03/08/11

“Google" şirkəti "Chrome” səyyahının 13-cü sabit versiyasını istifadəyə verir

“Google” bu gün öz “Chrome” səyyahında təxminən 30 boşluğu (bug) aradan qaldırıb və aşkar edilmiş səhvlər haqqında bildirən istifadəçilərə yüksək mükafatlar ödəyib. Bu gün şirkət kütləvi istifadə üçün tövsiyə edilən “Chrome” səyyahının 13-cü sabit versiyasını təqdim edib.
Statistika məlumatına əsasən, aradan qaldırılmış 30 boşluqdan 14-ü “Google” təhlükələrinin 4 pilləli şkalası üzrə yüksək təhlükə dərəcəsinə malikdir. 9-u orta təhlükə kimi, digərləri isə aşağı təhlükə kimi qeyd edilib. Kritik səviyyəli heç bir boşluq yoxdur. İlin əvvəlində şirkət bir neçə belə boşluq aradan qaldırıb. “Google” şirkəti bu reliz çərçivəsində 10 müstəqil mütəxəssisə, Miaubiz kimi tanınan mütəxəssisə 7500 dollar və Serqey Qlazunova 2000 dollar daxil olmaqla 16 000 dollar ödəyib. “Google” şirkəti ümumilikdə ilin əvvəlindən boşluqlar haqqında informasiya üçün 22 500 dollar ödəyib.

cybersecurity.ru

Baxış sayı: 1210